विश्वेश्वराय नरकार्णवतारणाय कर्णामृताय शशिशेखरधारणाय । कर्पूरकान्तिधवलाय जटाधराय दारिद्र्यदुःखदहनाय नमः शिवाय ॥ 1 ॥ गौरिप्रियाय रजनीशकला-धराय कालान्तकाय भुजगाधिपकंकणाय । गंगाधराय गजराज-विमर्दनाय दारिद्र्यदुःखदहनाय नमः शिवाय ॥ 2 ॥ भक्तिप्रियाय भव-रोग-भयापहाय उग्राय दुर्गभव-सागरतारणाय । ज्योतिर्मयाय गुणनामसुनृत्यकाय दारिद्र्यदुःखदहनाय नमः शिवाय ॥ 3 ॥ चर्माम्बराय शवभस्मविलेपनाय भालेक्षणाय मणिकुण्डलमण्डिताय । मञ्जीरपादयुगलाय जटाधराय दारिद्र्यदुःखदहनाय नमः शिवाय ॥ 4 ॥ पञ्चाननाय फणिराजविभूषणाय हेमांशुकाय […]